YANGILIKLAR
ILMIY SEMINAR YIG`ILISHI
24-01-2020 37

Bugun 24 yanvar kuni Xorazm Ma’mun akademiyasida “Ijtimoiy-gumanitar fanlar bo’limi” xodimlarining 3-yig`ilishi bo’lib o’tdi. Ilmiy seminarda Xorazm Ma’mun akademiyasi ilmiy xodimlari bilan birga Urganch davlat univetsiteti Tarix kafedrasi professor-va “Ichon qal’a” muzey qo’riqxonasi xodimlari O.Rahmonov va H. Madaliyev ham qatnashdi. Seminarning asosiy qismida Xorazm Ma’mun akademiyasi tasarrufidagi FA-F-1-008 shifrli loyiha katta ilmiy xodimi Sadullayev Bahrom Po`latovich “Qadimgi Xorazm tangalarining o’rganilishi tarixiga oid mulohozalar” mavzusida ma’ruza qildi.

Ma’ruzada qadimgi Xorazmda tangalarning paydo bo’lishi, ularning o`ziga xususiyatlari, tipologiyasi, maxsus belgilar kabi masalalar haqida so’z bordi. Seminar a’zolari ma’ruza davomida o’z fikr-mulohozalari bilan qatnashishdi. Ma’ruzachiga ko`plab savollar berildi, seminar bahs-munozaralarga boy tarzda o`tdi.

Shundan so’ng, seminar raisi Masharib Abdullayev tadbir ishtirokchilariga yangi nashrdan chiqqan “Oy yog’dusida aytilgan alla” va “Vorislik ma’sulyati” nomli ikkita kitobni tanishtirdi. Mazkur ikkita kitob Xorazm Ma’mun akademiyasi kutubxonasiga sovg’a sifatida topshirildi. Shuningdek, filologiya fanlari doktori Abdulla O’razboev tarixiy “Muqaddimat ul-adab” nomli asarning faksimal nusxasi chop qilinganini e’lon qildi.

Ўрта таълим муассасалари педагог ходимлари билан учрашув.
22-01-2020 101

2020 йил 22 январь куни, Хоразм вилоятининг бир гуруҳ умумий ўрта таълим муассасалари география фани ўқитувчилари, режали малака ошириш курслари доирасида, Хоразм Маъмун академияси илмий-амалий фаолияти билан танинишиш мақсадида курс раҳбари Р.Қурбонниёзов раҳбарлигида ташриф буюришди. Ташриф доирасида малака оширувчилар академия раиси билан учрашув уюштирилди. Хоразм Маъмун академияси раиси профессор И.И. Абдуллаев учрашувда қатнашувчиларни академия тарихи, фаолияти, унда олиб борилаётган илмий тадқиқот ишлари билан атрофлича таништирди. Учрашувдан сўнг мактаб ўқитувчиларига академия бўйлаб экскурсия уюштирилди.

ИЖТИМОИЙ-ГУМАНИТАР ФАНЛАР БЎЛИМИ ИЛМИЙ СЕМИНАРИ
10-01-2020 212

10 январ куни Хоразм Маъмун академиясининг “Ижтимоий-гуманитар фанлар бўлими”да фаолият олиб борувчи илмий ва техник ходимлар ўртасида учрашув бўлиб ўтди. Унда Ижтимоий-гуманитар фанлар бўлим бошлиғи санъатшунослик фанлари фалсафа доктори М.С.Абдуллаев сўзга чиқиб, мазкур бўлим ходимлари орасида илмий муҳитни яхшилаш, ёш илмий ходимлар орасида илм-фанни тарғиб қилиш, соғлом илмий фикрлашга ўргатиш учун қолаверса, Ўзбекистон содир бўлаётган илм-фан янгиликларни муҳокама қилиш мақсадида мазкур бўлимда доимий ўтказиладиган илмий-амалий семинар ташкил қилиш таклифини билдирди. Таклиф кўпчилик иштирокчилар томонидан маъқулланиб, бир қанча фикр-мулоҳазалар билдирилди. Унга кўра мазкур илмий-амалий семинар олдига нафақат Ўзбекистон, балки дунё миқёсида Хоразм тарихига оид бўлган илмий-хорижий нашрларни таҳлил қилиш, Хоразм тарихига оид бўлган ва бугунги кунда ўрганилаётган илмий ишларни муҳокама қилиш вазифаларини қўйиш масаласи таклиф этилди. Бу таклиф ҳам иштирокчилар томонидан маъқулланиб, илмий-амалий семинар ҳар ҳафта жума кунлари ўтказилиши белгилаб олинди.

Тадбирнинг иккинчи қисмида санъатшунослик фанлари фалсафа доктори М. С.Абдуллаев “Хоразм амалий безак санъатининг ривожланиш тарихи” мавзусида маъруза қилди. Семинар давомида илмий ходимлар ўзларини қизиқтирган саволларни беришди ҳамда жавоблар олишди. Тадбир илмий мунозараларга бой, кўтаринки руҳда ўтди.

E'LONLAR


INTERAKTIV XIZMATLAR
O'ZBEKISTON RESPUBLIKASI DAVLAT RAMZLARI
Davlat bayrog’i O’zbekiston Respublikasining 1991 yil 18 noyabrdagi 407-sonli «O’zbekiston Respublikasining Davlat bayrog’i to’g’risida»gi Qonuni bilan tasdiqlangan. O’zbekiston Respublikasining Davlat bayrog’i — bayroqning butun uzunligi bo’ylab o’tgan to’q moviy rang, oq rang va to’q yashil rangli uchta endan tarkib topgan to’g’ri to’rtburchak shaklidagi matodir. O’zbekiston Respublikasi Davlat bayrog’ining uzunligi 250 santimetrga, kengligi 125 santimetrga teng. Moviy rang, oq rang va yashil rangli enlarning kengligi bir xil. Har bir en 40 santimetrga tengdir. O’zbekiston Respublikasi Davlat bayrog’ining o’rtasidagi oq rangli enning chetlaridan kengligi 2,5 santimetrga teng qizil hoshiyalar o’tkazilgan. O’zbekiston Respublikasi Davlat bayrog’ining yuqori qismidagi moviy rangli enning yuz tomoni va orqa tomonida dastaga yaqin joyida oq rangli yangi oy va uning yonida o’n ikkita oq rangdagi besh qirrali yulduz tasvirlangan. Oq rangli yangi oy va o’n ikkita oq rangli besh qirrali yulduzning tasviri moviy rangli yuqori enning o’rtasidan 70x30 santimetrga teng to’g’ri to’rtburchakka sig’adigan qilib joylashtirilgan. Oq rangli yangi oy vertikal holatda do’ng tomoni dastaga qaratilgan, dastadan 20 santimetr masofada joylashtirilgan bo’lib, diametri 30 santimetrli doiraga sig’adi. O’n ikkita oq rangli besh qirrali yulduz diametri 6 santimetrli doiraga sig’adi. Doiralar orasidagi masofa 6 santimetr. Yulduzlar uzunasiga va tikkasiga quyidagi tartibda joylashadi: yuqori qatorda uchta, o’rta qatorda to‘rtta va quyi qatorda beshta yulduz. Quyi qatordagi yulduzlar yangi oyning pastki uchidan 3,5 santimetr masofada joylashadi.
Davlat gerbi O‘zbekiston Respublikasining 1992 yil 2 iyuldagi 616-XII-sonli «O‘zbekiston Respublikasi Davlat gerbi to‘g‘risida»gi Qonuni bilan tasdiqlangan. O‘zbekiston Respublikasi Davlat gerbi quyidagi ko‘rinishga ega: tog‘lar, daryolar va so‘l tomoni bug‘doy boshoqlaridan, o‘ng tomoni esa chanoqlari ochilgan g‘o‘za shoxlaridan iborat chambarga o‘ralgan gullagan vodiy uzra quyosh zarrin nurlarini sochib turadi. Gerbning yuqori qismida Respublika hurligining ramzi sifatida sakkizburchak tasvirlangan bo‘lib, uning ichki qismida yarim oy va yulduz tasvirlangan. Gerbning markazida baxt va erksevarlik ramzi — qanotlarini yozgan Humo qushi tasvirlangan. Gerbning pastki qismida O‘zbekiston Respublikasi Davlat bayrog‘ini ifoda etuvchi chambar lentasining bantida «O‘zbekiston» deb yozib qo‘yilgan. O‘zbekiston Respublikasi Davlat gerbining rangli ko‘rinishida: Humo qushi va daryolar — kumush rangida; quyosh, boshoqlar, paxta chanoqlari va «O‘zbekiston» yozuvi — oltin rangida; g‘o‘za shoxlari va barglari, tog‘lar va vodiy — yashil rangda; chanoqlardagi paxta — oq rangda; lenta — O‘zbekiston Respublikasi Davlat bayrog‘ining ranglarini aks ettiruvchi uch xil rangda; sakkizburchak — oltin zarhal bilan hoshiyalangan holda havo rangda; yarim oy va yulduzlar — oq rangida tasvirlangan.
O‘zbekiston Respublikasi Davlat madhiyasining matni va musiqasi O‘zbekiston Respublikasining 1992 yil 10 dekabrdagi 768-XII-sonli «O‘zbekiston Respublikasining Davlat madhiyasi to‘g‘risida»gi Qonuni bilan tasdiqlangan.

Mutal Burxonov musiqasi
Abdulla Oripov she’ri

Serquyosh hur o’lkam, elga baxt, najot
Sen o’zing do’stlarga yo’ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Oltin bu vodiylar — jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!

Bag’ri keng o’zbekning o’chmas iymoni,
Erkin, yosh avlodlar senga zo’r qanot!
Istiqlol mash’ali tinchlik posboni,
Xaqsevar, ona yurt, mangu bo’l obod!

Oltin bu vodiylar — jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!

FOYDALI RESURSLAR

So'rovnoma

Sayt faoliyatiga baho bering

Yaxshi yangiliklarga ega!
Yangiliklar kam berilmoqda!
Menga umuman yoqmadi!

Manzil

  •   O'zbekiston Respublikasi
  •   220900, Xiva shahri, Markaz-1
  •   (0362) 375-51-43,
    (0362) 375-70-01
  •   (0362) 375-51-43
  •   mamun@academy.uz