YANGILIKLAR
Огаҳийнинг кўп жилдлик асарлар тўплами чоп этилмоқда
19-02-2020 15

Ўзбекистон Республикаси Вазирлар Маҳкамасининг 2019 йил 20 мартдаги “Муҳаммад Ризо Эрниёзбек ўғли Огаҳий таваллудининг 210 йиллигини нишонлаш ҳамда Хива шаҳрида Огаҳий ижод мактабини ташкил этиш тўғрисида”ги 238-сон қарорининг 3б-бандида 2019-2021 йилларда Огаҳий асарлар тўпламини нашр этиш вазифаси белгиланган.

Унга кўра шу кунга қадар “Sharq” нашриёт-матбаа акциядорлик компаниясида Муҳаммад Ризо Эрнизбек ўғли Огаҳий “Асарлар”ининг 7 китобдан иборат 6 томи нашр қилинди.

Ушбу кенг кўламли ва мураккаб илмий-ташкилий жараённи Хоразм Маъмун академияси Ижтимоий-гуманитар фанлар бўлими А-ФА-2019-9 ‒ “Қадимий ёзма ноёб қўлёзма ва манбаларни тадқиқ қилиш, уларнинг рақамлаштирилган библиотекасини яратиш” гранти раҳбари ф.ф.д. А.Ўрозбоев мувофиқлаштириб бормоқда.

Бугунги кунгача “Фирдавс ул-иқбол” (2-жилд), “Гулшани давлат” (6-жилд), “Шоҳиду-л- иқбол” (7-жилд), “Ахлоқи Муҳсиний” (8-жилд), Саъдийнинг “Гулистон”и таржимаси ва “Ҳафт пайкар” таржимаси (9-жилд) ҳамда “Мифтоҳ ут-толибин” (10-жилд) нашр этилди.

Яқин кунларда яна 4 та жилди, жумладан  Девон. “Таъвиз ул-ошиқин”, “Зубдат ут-таворих”, “Риёз уд-давла” ва “Жомеъ ул-воқеъоти султоний” асарлари чоп қилинади.

Илмий иш муҳокамаси
12-02-2020 102

2020 йил 12 феврал куни Хоразм Маъмун академияси тадқиқотчиси Матқулиева Марғуба Фарҳодовнанинг проф. С.Рўзимбоев илмий рахбарлигида тайёрлаган “Шаҳриёр” эпик сюжетининг илк манбалари, унинг достон ва эртак вариантлари” мавзусидаги диссертацияси ЎзР ФА Ўзбек тили, адабиёти ва фольклори институти ҳузуридаги DSc. 30.08.2018. Fil. 46.02 ракамли илмий даражалар берувчи Илмий кенгаш қошидаги илмий семинардан муваффақиятли ўтганлиги билан табриклаймиз!

Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси муҳокамаси
30-01-2020 311

Хоразм Маъмун академиясида ЎзР ФА вице президенти С.З.Мирзаев, ЎзР ФА Илмий кадрлар бошқармаси бошлиғи А.Қаюмов иштирокида Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси кенг муҳокама қилинди.
Мажлисда ЎзР ФА вице президенти С.З.Мирзаев Ўзбекистон Республикаси Президенти Шавкат Миромонович Мирзиёевнинг Олий Мажлисга Мурожаатномаси мазмун моҳияти, хусусан, 2019 йил – “Фаол инвестициялар ва ижтимоий ривожланиш йили”да республикамизда эришилган асосий ижтимоий-иқтисодий натижалари сўз юритгани, мамлакатимизда илм-фанни янада равнақ топтириш, ёшларимизни чуқур билим, юксак маънавият ва маданият эгаси этиб тарбиялаш, рақобатбардош иқтисодиётни шакллантириш борасида бошлаган ишларимизни жадал давом эттириш ва янги, замонавий босқичга кўтариш мақсадида 2020 йилни “Илм, маърифат ва рақамли иқтисодиётни ривожлантириш йили” деб ном беришни таклиф этгани ҳамда у халқ ноиблари томонидан қўллаб-қувватлангани, янги йилда давлатимиз томонидан эришилиши кўзланаётган барча ижтимоий-иқтисодий параметрларни асосий жиҳатларига тўхталгани ҳақида атрофлича гапирди. Маърузаси сўнгида Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси мажлис иштирокчилари томонидан кенг муҳокама этилиб Мурожаатнома мамлакатимизни ижтимоий-иқтисодий ривожлантиришни барча йўналишларини қамраб олингани таъкидланди. 

ЎзР ФА вице президенти С.З.Мирзаев Хоразм Маъмун академияси ёш олимлари билан алоҳида учрашди. Ёш олимлар ўзларини қизиқтираётган масалалар билан мурожаат қилишди ва ўзларига зарур маслаҳатларни олишди.

E'LONLAR


INTERAKTIV XIZMATLAR
O'ZBEKISTON RESPUBLIKASI DAVLAT RAMZLARI
Davlat bayrog’i O’zbekiston Respublikasining 1991 yil 18 noyabrdagi 407-sonli «O’zbekiston Respublikasining Davlat bayrog’i to’g’risida»gi Qonuni bilan tasdiqlangan. O’zbekiston Respublikasining Davlat bayrog’i — bayroqning butun uzunligi bo’ylab o’tgan to’q moviy rang, oq rang va to’q yashil rangli uchta endan tarkib topgan to’g’ri to’rtburchak shaklidagi matodir. O’zbekiston Respublikasi Davlat bayrog’ining uzunligi 250 santimetrga, kengligi 125 santimetrga teng. Moviy rang, oq rang va yashil rangli enlarning kengligi bir xil. Har bir en 40 santimetrga tengdir. O’zbekiston Respublikasi Davlat bayrog’ining o’rtasidagi oq rangli enning chetlaridan kengligi 2,5 santimetrga teng qizil hoshiyalar o’tkazilgan. O’zbekiston Respublikasi Davlat bayrog’ining yuqori qismidagi moviy rangli enning yuz tomoni va orqa tomonida dastaga yaqin joyida oq rangli yangi oy va uning yonida o’n ikkita oq rangdagi besh qirrali yulduz tasvirlangan. Oq rangli yangi oy va o’n ikkita oq rangli besh qirrali yulduzning tasviri moviy rangli yuqori enning o’rtasidan 70x30 santimetrga teng to’g’ri to’rtburchakka sig’adigan qilib joylashtirilgan. Oq rangli yangi oy vertikal holatda do’ng tomoni dastaga qaratilgan, dastadan 20 santimetr masofada joylashtirilgan bo’lib, diametri 30 santimetrli doiraga sig’adi. O’n ikkita oq rangli besh qirrali yulduz diametri 6 santimetrli doiraga sig’adi. Doiralar orasidagi masofa 6 santimetr. Yulduzlar uzunasiga va tikkasiga quyidagi tartibda joylashadi: yuqori qatorda uchta, o’rta qatorda to‘rtta va quyi qatorda beshta yulduz. Quyi qatordagi yulduzlar yangi oyning pastki uchidan 3,5 santimetr masofada joylashadi.
Davlat gerbi O‘zbekiston Respublikasining 1992 yil 2 iyuldagi 616-XII-sonli «O‘zbekiston Respublikasi Davlat gerbi to‘g‘risida»gi Qonuni bilan tasdiqlangan. O‘zbekiston Respublikasi Davlat gerbi quyidagi ko‘rinishga ega: tog‘lar, daryolar va so‘l tomoni bug‘doy boshoqlaridan, o‘ng tomoni esa chanoqlari ochilgan g‘o‘za shoxlaridan iborat chambarga o‘ralgan gullagan vodiy uzra quyosh zarrin nurlarini sochib turadi. Gerbning yuqori qismida Respublika hurligining ramzi sifatida sakkizburchak tasvirlangan bo‘lib, uning ichki qismida yarim oy va yulduz tasvirlangan. Gerbning markazida baxt va erksevarlik ramzi — qanotlarini yozgan Humo qushi tasvirlangan. Gerbning pastki qismida O‘zbekiston Respublikasi Davlat bayrog‘ini ifoda etuvchi chambar lentasining bantida «O‘zbekiston» deb yozib qo‘yilgan. O‘zbekiston Respublikasi Davlat gerbining rangli ko‘rinishida: Humo qushi va daryolar — kumush rangida; quyosh, boshoqlar, paxta chanoqlari va «O‘zbekiston» yozuvi — oltin rangida; g‘o‘za shoxlari va barglari, tog‘lar va vodiy — yashil rangda; chanoqlardagi paxta — oq rangda; lenta — O‘zbekiston Respublikasi Davlat bayrog‘ining ranglarini aks ettiruvchi uch xil rangda; sakkizburchak — oltin zarhal bilan hoshiyalangan holda havo rangda; yarim oy va yulduzlar — oq rangida tasvirlangan.
O‘zbekiston Respublikasi Davlat madhiyasining matni va musiqasi O‘zbekiston Respublikasining 1992 yil 10 dekabrdagi 768-XII-sonli «O‘zbekiston Respublikasining Davlat madhiyasi to‘g‘risida»gi Qonuni bilan tasdiqlangan.

Mutal Burxonov musiqasi
Abdulla Oripov she’ri

Serquyosh hur o’lkam, elga baxt, najot
Sen o’zing do’stlarga yo’ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Oltin bu vodiylar — jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!

Bag’ri keng o’zbekning o’chmas iymoni,
Erkin, yosh avlodlar senga zo’r qanot!
Istiqlol mash’ali tinchlik posboni,
Xaqsevar, ona yurt, mangu bo’l obod!

Oltin bu vodiylar — jon O’zbekiston,
Ajdodlar mardona ruhi senga yor!
Ulug’ xalq qudrati jo’sh urgan zamon,
Olamni mahliyo aylagan diyor!

FOYDALI RESURSLAR

So'rovnoma

Sayt faoliyatiga baho bering

Yaxshi yangiliklarga ega!
Yangiliklar kam berilmoqda!
Menga umuman yoqmadi!

Manzil

  •   O'zbekiston Respublikasi
  •   220900, Xiva shahri, Markaz-1
  •   (0362) 375-51-43,
    (0362) 375-70-01
  •   (0362) 375-51-43
  •   mamun@academy.uz